३० असोज, काठमाडौं । शुक्रबार नेपाली बजारमा सुनको मूल्य तोलामा एक हजार ७०० रुपैयाँले बढेको छ।नेपाल सुनचाँदी व्यवसायी महासङ्घका अनुसार आजका लागि सुनको मूल्य प्रतितोला दुई लाख ९० हजार १०० रुपैयाँ कायम गरिएको छ। अघिल्लो दिन बिहीबार सुन प्रतितोला दुई लाख ८८ हजार ४०० रुपैयाँमा कारोबार भएको थियो।
आइतबारदेखि बिहीबारसम्म लगातार घटेको सुनको मूल्य शुक्रबार बढेको हो। आइतबार सुन प्रतितोला दुई लाख ९६ हजार ५०० रुपैयाँमा कारोबार भएको थियो।
यसैगरी, चाँदीको मूल्य पनि शुक्रबार प्रतितोला ११५ रुपैयाँले बढेको छ। बिहीबार प्रतितोला चार हजार ३५ रुपैयाँमा कारोबार भएको चाँदीको मूल्य आज बढेर चार हजार १५० रुपैयाँ कायम भएको महासङ्घले जनाएको छ।
