पेरिस सेन्ट जर्मेन (पीएसजी) ले आइतबार लगातार दोस्रो सिजन युरोपेली च्याम्पियन्स लिगको उपाधि जितेको छ । डिफेन्डिङ च्याम्पियनका रूपमा उपाधि रक्षा गर्नका लागि पीएसजीले आर्सनललाई टाइब्रेकरमा ४–३ ले हराएको हो ।
त्यस अगाडि निर्धाीरत र अतिरिक्त समयको खेल १–१ को बराबरीमा टुंगेको थियो । आर्सनलका लागि पेनाल्टी सुटआउटमा इबरेची एजी र ग्याब्रिएल गोल गर्न चुके । इंग्लिस च्याम्पिययनले खेललाई १ सय २० मिनेटसम्म लम्ब्याए पनि भाग्यले सात दिएन् ।
अहिलेसम्म च्याम्पियन्स लिग जित्न असफल आर्सनल फाइनलमा पराजित भएको यो दोस्रो पल्ट हो । सन् २००६ को फाइनलमा आर्सनल बार्सिलोनासँग हारेको थियो ।
पीएसजी भने प्रतियोगिताकै इतिहासमा रियल म्याड्रिडपछि लगातार दुई वर्ष उपाधि जित्ने पहिलो टिम बनेको छ । पीएसजीका लुइस एनरिकले प्रशिक्षकका रूपमा तेस्रो पल्ट युरोपेली क्लब फुटबलको सबैभन्दा ठूलो प्रतियोगिता जितेका छन् ।
निर्धारित समयको खेलमा आर्सनलले काइ हाभर्टेजको गोलले अग्रता लिएपछि पीएसजीका लागि ओसमन डेम्बेलेले पेनाल्टीबाट बराबरी गोल फर्काकाएका थिए ।
