२८ असोज, काठमाडौं । नेपाली बजारमा सुनको मूल्य २७ सयले घटेको छ । आज तोलामा २ हजार ७०० रुपैयाँले घटेर प्रतितोला २ लाख ८९ हजार ५०० रुपैयाँ कायम भएको छ । दशैंको नवरात्र सुरु भएपछि सुनको मूल्य घटिरहेको छ ।

नेपाल सुनचाँदी व्यवसायी महासंघले जनाए अनुसार सोमबार प्रतितोला २ हजार १०० रुपैयाँले घटेर २ लाख ९४ हजार ४०० रुपैयाँका कायम भएको सुनको मूल्य मंगलबार पुनः तोलामा २ हजार २०० रुपैयाँ घटेर २ लाख ९२ हजार २०० रुपैयाँमा किनबेच भएको थियो ।

आज चाँदी तोलामा १०० रुपैयाँले घटेर प्रतितोला ४ हजार २५५ रुपैयाँमा किनबेच हुनेछ । हिजो चाँदी प्रतितोला ४ हजार ३५५ रुपैयाँमा कारोबार भएको थियो ।

अन्तर्राष्ट्रिय बजारमा सुन प्रतिऔंस ४ हजार १६५.६५ अमेरिकी डलर र चाँदी ५९.३३ अमेरिकी डलरमा कारोबार भइरहेको छ । सुन तीन दिनदेखि घटिरहेको छ ।