FLASH NEWS
सर्च इन्जिन अप्टिमाइजेसन (SEO) भनेको के हो? प्रकार, महत्व र काम गर्ने तरिका । प्रधानमन्त्री शाहसँग भारतीय विदेशमन्त्रीको शिष्टाचार भेट । नेपाल हिन्दु राष्ट्र हुनुपर्छ, धर्म र राजनीति सँगसँगै अघि बढ्नुपर्छ : राजेन्द्र लिङ्देन । अयोध्या–जनकपुरधाम रेल : जनकपुरधाममा उत्साह । एसिया कप राइजिङ स्टार्स : युएईविरुद्ध नेपालको सानदार जित । प्रधानमन्त्री बालेन्द्र शाह नयाँदिल्लीमा । सकियो एनपीएल–३ : यस्ता छन् रोचक तथ्य,रेकर्ड र पुरस्कार । ३५ सदस्यीय प्रतिनिधिमण्डलसहित प्रधानमन्त्री शाह भारत प्रस्थान । प्रधानमन्त्री बालेन्द्र शाहको भारत भ्रमण दलमा को को ? । कात्तिकमा ६४ हजार दर्शनार्थीले गरे पाथीभरा दर्शन, भेटी झन्डै ५० लाख । आजको मौसम : कोशी र मधेशमा हल्का वर्षाको सम्भावना, हिमाली क्षेत्रमा हिमपात हुन सक्ने । प्रधानमन्त्री शाह आज भारतको भ्रमणमा जादै ।

अमेरिकाको एक अदालतले बालबालिकाको अनलाइन सुरक्षामा पर्याप्त ध्यान नदिएको ठहर गर्दै फेसबुक र इन्स्टाग्रामको मातृ कम्पनी मेटामाथि ५६ करोड अमेरिकी डलरभन्दा बढी जरिवाना लगाउने आदेश दिएको छ।

न्यू मेक्सिको राज्यका एक न्यायाधीशले सुनाएको फैसलामा मेटाले आफ्ना सामाजिक सञ्जाल प्ल्याटफर्म किशोर–किशोरीका लागि सुरक्षित बनाउने गरी सञ्चालन पद्धतिमा आवश्यक सुधार गर्नुपर्ने पनि उल्लेख गरिएको छ।

फैसलामा सामाजिक सञ्जालको अत्यधिक प्रयोगबाट युवामा लत बस्ने र मानसिक स्वास्थ्यमा नकारात्मक असर पर्ने अवस्थालाई गम्भीररूपमा लिइएको छ।

न्यायाधीशले मेटाको भूमिकालाई युवामा बढ्दो मानसिक स्वास्थ्य समस्याको एक प्रमुख कारणका रूपमा व्याख्या गर्दै यसलाई ‘सार्वजनिक बाधा’सँग जोडिएको विषयसमेत मानेका छन्। जरिवानाबाट उठ्ने रकम यस्ता समस्या न्यूनीकरणका कार्यक्रममा खर्च गरिने जनाइएको छ।

यसअघि यही मुद्दामा बालबालिकालाई अश्लील सामग्री तथा अनलाइनमार्फत सक्रिय यौन अपराधीको जोखिममा पर्न दिएको निष्कर्षसहित मेटालाई ३७ करोड अमेरिकी डलरभन्दा बढी जरिवाना गरिएको थियो।

फैसलाप्रति प्रतिक्रिया दिँदै मेटाले किशोर–किशोरीलाई अनलाइनमा सुरक्षित राख्न विभिन्न सुरक्षा उपाय लागू गर्दै आएको दाबी गरेको छ।

प्रतिक्रिया

सम्बन्धित खवर

ताजा समाचार

लोकप्रिय