बिहीबारदेखि देशभर लगातार चार दिन सार्वजनिक बिदा सुरु भएको छ।
गृह मन्त्रालयको निर्णय र पूर्व निर्धारित बिदाको सूचीअनुसार आगामी आइतबारसम्म देशभरका सरकारी कार्यालय तथा सार्वजनिक निकायहरू बन्द रहने भएका हुन्।
जेठ १४ गते इस्लाम धर्मावलम्बीहरूको महान् पर्व बकर इद परेकाले सरकारले देशभर सार्वजनिक बिदा दिएको हो।
त्यस्तै, जेठ १५ गते गणतन्त्र दिवसका अवसरमा पनि सरकारले यसअघि नै सार्वजनिक बिदा दिने निर्णय गरिसकेको छ।
जेठ १६ गते शनिबार र जेठ १७ गते आइतबार भने नियमित साप्ताहिक बिदा परेको छ। यसरी बिहीबारदेखि आइतबारसम्म लगातार चार दिन सार्वजनिक बिदा परेकाले अब सोमबार मात्र सरकारी कार्यालयहरू खुल्नेछन्।
