FLASH NEWS
सर्च इन्जिन अप्टिमाइजेसन (SEO) भनेको के हो? प्रकार, महत्व र काम गर्ने तरिका । प्रधानमन्त्री शाहसँग भारतीय विदेशमन्त्रीको शिष्टाचार भेट । नेपाल हिन्दु राष्ट्र हुनुपर्छ, धर्म र राजनीति सँगसँगै अघि बढ्नुपर्छ : राजेन्द्र लिङ्देन । अयोध्या–जनकपुरधाम रेल : जनकपुरधाममा उत्साह । एसिया कप राइजिङ स्टार्स : युएईविरुद्ध नेपालको सानदार जित । प्रधानमन्त्री बालेन्द्र शाह नयाँदिल्लीमा । सकियो एनपीएल–३ : यस्ता छन् रोचक तथ्य,रेकर्ड र पुरस्कार । ३५ सदस्यीय प्रतिनिधिमण्डलसहित प्रधानमन्त्री शाह भारत प्रस्थान । प्रधानमन्त्री बालेन्द्र शाहको भारत भ्रमण दलमा को को ? । कात्तिकमा ६४ हजार दर्शनार्थीले गरे पाथीभरा दर्शन, भेटी झन्डै ५० लाख । आजको मौसम : कोशी र मधेशमा हल्का वर्षाको सम्भावना, हिमाली क्षेत्रमा हिमपात हुन सक्ने । प्रधानमन्त्री शाह आज भारतको भ्रमणमा जादै ।

फिल्म बहिष्कारमा परेपछि व्यापार चौपट हुन्छ भन्ने मान्यतालाई फिल्म ‘लालीबजार’ले गलत सावित गरेको छ । प्रदर्शनपूर्व ‘खरानी ग्याङ’को फिल्म भन्दै यसविरुद्ध सामाजिक सञ्जालमा बहिष्कारको अभियान नै चलेको थियो । अदालतमा मुद्धा पर्दा एकपटक प्रदर्शन समेत रोकियो । तर, यसका बाबजुद पनि फिल्मले बक्स अफिसमा आक्रामक कमाइ गरिरहेको छ ।

हिजो सोमबार चलचित्र विकास बोर्डले सार्वजनिक गरेको विवरणअनुसार गत शनिबार (२ जेठ)सम्म फिल्मले ३ करोड ४२ लाख ६१ हजार ७७९ रुपैयाँ ग्रस कमाएको थियो । अब फिल्मको ११ दिनको बक्स अफिस तथ्यांक सार्वजनिक भएको छ । निर्माताले मंगलबार एक पोस्टरमार्फत फिल्मले सोमबार (हिजो)सम्म ४ करोड २९ लाख रुपैयाँ ग्रस कमाएको जानकारी दिएका छन् ।

फिल्मले ४ करोडको आँकडा पार गरेपछि अभिनेत्री स्वस्तिमा खड्काले दर्शकलाई धन्यवाद दिएकी छन् । उनले फेसबुकमा लेखेकी छन्, ‘पहिलो हप्ता हामीले दर्शकहरूबाट अथाह माया पायौँ । फलस्वरूप फिल्मले विभिन्न आरोह-अवरोहका बाबजुद पनि प्रदर्शनको ११ दिनमै ४ करोड २९ लाख ग्रस कलेक्सन गर्न सफल भएको छ । यसको श्रेय तपाईंहरू सम्पूर्ण दर्शकहरूमा जान्छ ।’

फिल्म प्रदर्शन भएदेखि स्वस्तिमा दर्शकसँग भेट गर्न काठमाडौं र मोफसलका विभिन्न हलमा पुगिरहेकी छन् । मंगलबार उनी पूर्व पुगेकी छन् । दिउँसो विर्तामोड र दमकका विभिन्न हलमा पुगेर दर्शकहरूलाई धन्यवाद दिएकी उनी साँझ इलामस्थित फ्रेन्ड्स सिनेमाज् जाने कार्यक्रम रहेको जनाइएको छ । यसअघि उनी पोखरादेखि सुर्खेतसम्म पुगिसकेकी छन् ।

यम थापाको निर्देशनमा बनेको यस फिल्ममा स्वस्तिमासहित रवीन्द्रसिंह बानियाँ, समाइरा थापा, विशाल देवकोटा, प्रशंसा सुवेदी, मुकुन्दकुमार श्रेष्ठ, अभय बराल, आशा पौडेल, गोविन्द सुनार, रमेश बादी, तारा शर्मा लगायतको अभिनय रहेको छ । ‘जात्रा’का निर्देशक प्रदीप भट्टराई कार्यकारी निर्माता रहेको यो फिल्मले बादी समुदायका आमा-छोरीको कथा पेस गरेको छ ।

प्रतिक्रिया

सम्बन्धित खवर

ताजा समाचार

लोकप्रिय