साताको पहिलो कारोबार दिन आज (सोमबार) नेप्से एकल अंकले घटेको छ। दिनभर उतारचढाव रहेको नेप्से अन्तत: १.२० अंकले घटेर बन्द भयो। अघिल्लो कारोबार दिनको तुलनामा आज कारोबार रकम भने बढेको छ।
अघिल्लो कारोबार दिनको तुलनामा आज ०.०४ प्रतिशतले घट्दै नेप्से २६८४.३३ विन्दुमा रोकिएको छ।
आजको दिनमा सेन्सेटिभ इन्डेक्स भने ०.४९ अंकले बढेर ४७०.६३ विन्दुमा रोकिएको छ। प्रतिशतका आधारमा यो अघिल्लो कारोबार दिनको तुलनामा ०.१० प्रतिशतले बढी हो। यस्तै फ्लोट इन्डेक्स ०.०७ र सेन्सेटिभ फ्लोट इन्डेक्स ०.११ प्रतिशतले बढ्यो।
सेयरबजारमा सोमबार ३४९ कम्पनीको ६३ हजार ६४८ पटकको कारोबारमा एक करोड १४ लाख ४९ हजार ९८७ कित्ता सेयर किनबेच भए। जसअनुसार सोमबार चार अर्ब ५७ करोड २० लाख ८४ हजार २३१ रुपैयाँको कारोबार भयो।
नेप्सेमा आज १२६ कम्पनीका सेयरमूल्य बढे। १४१ कम्पनीका सेयरमूल्य ओरालो लाग्दा सात कम्पनीका सेयरमूल्य स्थिर रहे। नेप्सेमा आज (सोमबार) १३ समूहको कारोबार भएकामा पाँच समूहका सेयरमूल्य बढे भने बाँकी आठ समूहका सेयरमूल्य घटे।
जसअनुसार नेप्सेमा सोमबार वाणिज्य बैंक ०.२६ र विकास बैंक समूहको सूचक ०.२३ प्रतिशतले बढ्यो। फाइनान्स समूहको सूचक ०.२९ प्रतिशतले घट्दा होटेल तथा पर्यटन ०.०१ र जलविद्युत् समूहको सूचक ०.०० प्रतिशतले बढ्यो। लगानी समूहको सूचक ०.१० प्रतिशतले घट्दा जीवन बिमा समूहको सूचक भने ०.०९ प्रतिशतले बढ्यो।
यसैगरी उत्पादन तथा प्रशोधन समूहको सूचक ०.५७ प्रतिशतले घट्दा लघुवित्त ०.३०‚ म्युचुअल फन्ड ०.४९ र निर्जीवन बिमा समूहको सूचक ०.३० प्रतिशतले बढ्यो। अन्य ०.८३ र व्यापार समूहको उपसूचक ०.९३ प्रतिशतले घट्यो।
नेप्सेमा सोमबार एभरेस्ट कलर लिमिटेडका लगानीकर्ताले १४.९९ प्रतिशतले आम्दानी गरे। रिलायन्स स्पिनिङ मिल्स लिमिटेडका लगानीकर्ताले भने ७.४० प्रतिशतले सेयरमूल्य गुमाए।
कारोबार रकमका आधारमा आज रिलायन्स स्पिनिङ मिल्स लिमिटेड अग्रस्थानमा रह्यो। सोमबार यसको २७ करोड ६२ लाख ७८ हजार ११ रुपैयाँको कारोबार भयो।
त्यस्तै कारोबार भएका सेयर संख्याका आधारमा आज ग्लोबल आईएमई बैंक लिमिटेड अगाडि रह्यो। सोमबार यसको सात लाख ३८ हजार ६१२ कित्ता सेयर कारोबार भयो। यसको आज अन्तिम कारोबार मूल्य प्रतिकित्ता २६२ रुपैयाँ कायम रह्यो।
