बिहीबार सेयरबजार ८.८१ अंकले बढेर २६५१.२१ विन्दुमा चढेको छ।
नेपाल स्टक एक्सचेन्जका अनुसार यस दिन कुल ३ अर्ब ७२ करोडको कारोबार भएको छ।
यो हप्ता बजार क्रमशः सामान्य सुधारतर्फ देखिएको छ। बिहीबार १७१ वटा सेयरको मूल्य समेत बढेको छ। यस दिन ८६ वटाको घटे पनि १९ वटाको मूल्य स्थिर देखिएको छ।
नेप्सेका अनुसार सर्वोत्तम पेन्ट्स इन्डस्ट्रिज, माउन्ट एभरेस्ट पावर डेभलपमेन्ट, सुपर खुदी हाइड्रो, घलेम्दी हाइड्रो क्रमशः १५, १४.९९, १३.०२ र ११.९० प्रतिशतले मूल्य बढेको छ।
आज उच्च अंकको गिरावट देखिएको छैन भने २९ करोडसम्मको उच्च कारोबार भएको छ।
बिहीबार लगानी, सामूहिक लगानी कोष घटे पनि बाँकी सबै समूह बढेका छन्।
