२६ भदौ, काठमाडौं । शुक्रबार नेपाली बजारमा सुनचाँदीको मूल्य घटेको छ । आज सुन तोलामा ४ हजार ८०० रुपैयाँले घटेको छ ।
नेपाल सुनचाँदी व्यवसायी महासंघका अनुसार शुक्रबार सुन प्रतितोला ३ लाख १ हजार रुपैयाँ कायम भएको छ । बिहीबार सुन प्रतितोला ३ लाख ५ हजार ८०० रुपैयाँमा कारोबार भएको थियो ।
अज चाँदीको मूल्यमा पनि उच्च गिरावट आएको छ । चाँदी तोलामा २५५ रुपैयाँले घटेसँगै प्रतितोला ४ हजार ६०० रुपैयाँ कायम भएको छ । बिहीबार चाँदी प्रतितोला ४ हजार ८५५ रुपैयाँमा कारोबार भएको थियो ।
शुक्रबार अन्तर्राष्ट्रिय बजारमा सुन प्रतिऔंस ४ हजार ४३३.०१ अमेरिकी डलर र चाँदी ६३.६१ अमेरिकी डलरमा कारोबार भइरहेको छ ।
