FLASH NEWS
सर्च इन्जिन अप्टिमाइजेसन (SEO) भनेको के हो? प्रकार, महत्व र काम गर्ने तरिका । प्रधानमन्त्री शाहसँग भारतीय विदेशमन्त्रीको शिष्टाचार भेट । नेपाल हिन्दु राष्ट्र हुनुपर्छ, धर्म र राजनीति सँगसँगै अघि बढ्नुपर्छ : राजेन्द्र लिङ्देन । अयोध्या–जनकपुरधाम रेल : जनकपुरधाममा उत्साह । एसिया कप राइजिङ स्टार्स : युएईविरुद्ध नेपालको सानदार जित । प्रधानमन्त्री बालेन्द्र शाह नयाँदिल्लीमा । सकियो एनपीएल–३ : यस्ता छन् रोचक तथ्य,रेकर्ड र पुरस्कार । ३५ सदस्यीय प्रतिनिधिमण्डलसहित प्रधानमन्त्री शाह भारत प्रस्थान । प्रधानमन्त्री बालेन्द्र शाहको भारत भ्रमण दलमा को को ? । कात्तिकमा ६४ हजार दर्शनार्थीले गरे पाथीभरा दर्शन, भेटी झन्डै ५० लाख । आजको मौसम : कोशी र मधेशमा हल्का वर्षाको सम्भावना, हिमाली क्षेत्रमा हिमपात हुन सक्ने । प्रधानमन्त्री शाह आज भारतको भ्रमणमा जादै ।

२१ असोज, काठमाडौं । होटल संघ नेपालले आतिथ्य दिवसको अवसर पारेर आगामी जनवरी १६ र १७ अर्थात् २०८३ माघ २ र ३ गते दुईदिने ‘होटल एक्स्पो २०२७’ आयोजना गर्ने भएको छ ।

नेपालको होटल तथा आतिथ्य उद्योगको अवस्था, योगदान, सम्भावना र चुनौतीबारे राष्ट्रियस्तरमा बहस गर्ने उद्देश्यले एक्स्पो आयोजना गर्न लागिएको संघले जनाएको छ । एक्स्पोमा होटल तथा आतिथ्य क्षेत्रमा आवश्यक वस्तु तथा सेवाका उत्पादक र आपूर्तिकर्ताका स्टल राखिनेछन् ।

एक्स्पोमा होटल उद्योगले अर्थतन्त्र, पर्यटन, रोजगारी र राजस्वमा पु¥याएको योगदानका साथै उद्योगले भोगिरहेका चुनौती र आवश्यक नीतिगत सुधारबारे छलफल गरिनेछ ।

एक्स्पोकै अवसरमा २०२२ सालमा स्थापना भएको होटल संघ नेपालको हिरक जयन्ती समारोहको औपचारिक समापनसमेत गरिनेछ । संघले होटल तथा आतिथ्य क्षेत्रको अवस्था र सम्भावना समेटिएको ‘होटल एयर बुक २०२७’ पनि प्रकाशन गर्ने जनाएको छ ।

आरोग्य पर्यटनलाई प्रवद्र्धन गर्ने उद्देश्यले ‘नेपाल हेरिटेज वेलनेस कुकबुक २०२७’ प्रकाशन गर्ने तयारीसमेत संघले गरेको छ । पुस्तकमा १०८ प्रकारका जैविक तथा आरोग्यमूलक परम्परागत नेपाली परिकार समेटिनेछन् । त्यस्तै, नेपाली मौलिक खाद्य पदार्थ गुन्द्रुकको राष्ट्रिय तथा अन्तर्राष्ट्रिय प्रवद्र्धन र ब्रान्डिङका लागि होटल तथा रेस्टुरेन्टका मेनुमा यसको प्रयोग विस्तार गर्ने कार्यक्रम पनि एक्स्पोमा अघि बढाइने संघले जनाएको छ ।

संघका अनुसार एक्स्पोले होटल उद्योगमा लगानी, प्रविधि हस्तान्तरण, बजार विस्तार तथा सरकार र निजी क्षेत्रबीच सहकार्यका लागि अवसर सिर्जना गर्नेछ । कार्यक्रमको व्यवस्थापन तथा समन्वय इभेन्ट सोलुसन प्रालिले गर्नेछ ।

प्रतिक्रिया

सम्बन्धित खवर

ताजा समाचार

लोकप्रिय