FLASH NEWS
सर्च इन्जिन अप्टिमाइजेसन (SEO) भनेको के हो? प्रकार, महत्व र काम गर्ने तरिका । प्रधानमन्त्री शाहसँग भारतीय विदेशमन्त्रीको शिष्टाचार भेट । नेपाल हिन्दु राष्ट्र हुनुपर्छ, धर्म र राजनीति सँगसँगै अघि बढ्नुपर्छ : राजेन्द्र लिङ्देन । अयोध्या–जनकपुरधाम रेल : जनकपुरधाममा उत्साह । एसिया कप राइजिङ स्टार्स : युएईविरुद्ध नेपालको सानदार जित । प्रधानमन्त्री बालेन्द्र शाह नयाँदिल्लीमा । सकियो एनपीएल–३ : यस्ता छन् रोचक तथ्य,रेकर्ड र पुरस्कार । ३५ सदस्यीय प्रतिनिधिमण्डलसहित प्रधानमन्त्री शाह भारत प्रस्थान । प्रधानमन्त्री बालेन्द्र शाहको भारत भ्रमण दलमा को को ? । कात्तिकमा ६४ हजार दर्शनार्थीले गरे पाथीभरा दर्शन, भेटी झन्डै ५० लाख । आजको मौसम : कोशी र मधेशमा हल्का वर्षाको सम्भावना, हिमाली क्षेत्रमा हिमपात हुन सक्ने । प्रधानमन्त्री शाह आज भारतको भ्रमणमा जादै ।

९ कात्तिक, काठमाडौं । दशैंंअघि बढेर बन्द भएको शेयरबजार दशैंंपछिको पहिलो कारोबार दिन घटेको छ । सोमबार शेयर कारोबार मापक नेप्से परिसूचक ४.३४ अंकले घटेको छ । शून्य दशमलव १६ प्रतिशतको गिरावाटपछि समग्र नेप्से परिसूचक २ हजार ६ सय २९ दशमलव ८२ मा ओर्लिएको छ ।

उत्पादन तथा प्रशोधन, व्यापार र जलविद्युत्को शेयर मूल्य बढ्यो भने सामूहिक लगानी कोषको शेयर मूल्य स्थिर रह्यो । उत्पादन तथा प्रशोधनको १०९.७४, व्यापारको ३५.५६ र जलविद्युत्को ८.७५ अंकले बढ्यो । विकास बैंक ६६.९१, निर्जीवन बिमा ६१.८६, जीवन बीमा ५३.२३ अंकले घट्यो ।

कारोबारमा आएका मध्ये ९९ कम्पनीको यर मूल्य बढ्यो । १७१ कम्पनीको मूल्य घट्यो भने ६ कम्पनीको मूल्य स्थिर रह्यो । आज बेनी हाइड्रोपावरको शेयर मूल्य १४.९९ प्रतिशतले बढ्यो । माथिल्लो मैलुङ खोला जलविद्युत् कम्पनीको ५.८१, सोनापुर मिनरल्स एन्ड आयलको ५.०७, सगरमाथा जलविद्युत् कम्पनीको ४.७२, घोराही सिमेन्ट इन्डस्ट्रिजको ४.४७ प्रतिशतले मूल्य बढ्यो ।

चिख्र्वा हाइड्रोपावरको ७.९२, महिला लघुवित्त वित्तीय संस्थाको ७.५७, एसबीएल डिबेञ्चरको ५.९१, गुराँस लघुवित्त वित्तीय संस्थाको ५.८१, ग्लोबल आईएमई बैंक डिबेञ्चरको ५.४७ प्रतिशतले घट्यो । कुल ३८ हजार ७८८ पटकको शेयर कारोबारमा ४ अर्ब रूपैयाँको किनबेच भएको छ । ती किनबेचमा १ करोड ३ लाख ४३ हजार कित्ता शेयर किनबेच भए ।

आज उत्पादन तथा प्रशोधन र व्यापार समूहमा भने आकर्षण देखिएको छ । उत्पादन तथा प्रशोधन समूह १.०३ तथा व्यापार १.११ प्रतिशत बढे । व्यापार समूहको विशाल बजार कम्पनीको मूल्य १.४१ प्रतिशत बढ्दा यो समूह बढेको हो । विशाल बजार र साल्ट ट्रेडिङ गरी जम्मा २ कम्पनी यो समूहमा पर्दछन् ।

त्यस्तै सिमेन्ट कम्पनीहरूको मूल्यवृद्धिले उत्पादन तथा प्रशोधन समूहलाई उचाल्यो । हालै सूचीकृत बेनी हाइड्रोपावरको मूल्य सबैभन्दा धेरै १५ प्रतिशत बढ्यो । आज धेरै कारोबार भएका कम्पनीमा घलेम्दी हाइड्रोपावर, शिवम् सिमेन्ट, माउन्टेन इनर्जी, ग्रिन भेन्चर्स, हिमालयन डिस्टिलरी, अपि पावर, सानिमा बैंक, सानिमा मिडिल तमोर क्रमशः अगाडि रहे ।

सोमबार घलेम्दी हाइड्रोको सर्वाधिक कारोबार भएको छ । उक्त कम्पनीको २१५ रूपैयाँ ९० पैसामा २३ करोड ६६ लाख रूपैयाँको कारोबार भएको छ । यो मूल्य अघिल्लो दिनको तुलनामा १.६१ प्रतिशत बढेको हो ।

सर्वाधिक शेयर खरिद–बिक्री हुने दोस्रो सूचीमा शिवम् सिमेन्ट रहेको छ । उक्त कम्पनीको ६९६ रूपैयाँ ४० पैसामा २० करोड ५८ लाख रूपैयाँ बराबरको कारोबार भएको छ । आज कारोबारमा आएका १३ वटा समूहगत परिसूचकमध्ये चार समूहको परिसूचक बढेको छ भने बाँकी ९ समूहको घटेको छ ।

प्रतिक्रिया

सम्बन्धित खवर

ताजा समाचार

लोकप्रिय