लघुवित्त तथा वित्तीय शोषण विरुद्धको संघर्ष समिति नेपाल, केन्द्रीय समितिको आह्वानमा मणिराम ज्ञवाली नेतृत्वको समूहले सोमबारदेखि काठमाडौंको माइतीघर मण्डलामा सामूहिक आमरण अनशन सुरु गरेको छ ।
‘ऋणमुक्त जनता, ऋणमुक्त देश’ भन्ने नारासहित सुरु गरिएको आन्दोलनमा देशका विभिन्न स्थानबाट आएका सहभागीहरूले लघुवित्त पीडितसँग सम्बन्धित सर्वोच्च अदालतको परमादेश तत्काल कार्यान्वयन गर्न, विशेष वित्तीय ऐन खारेज गरी मुलुकी देवानी संहितामा आधारित वित्तीय प्रणाली लागू गर्न, गरिब, मजदुर, सुकुम्वासी र किसानलाई ब्याज छुटसहित ऋण उपलब्ध गराउन, आवश्यकता र क्षमताको आधारमा काम र पारिश्रमिक सुनिश्चित गर्न तथा निजी बैंक तथा वित्तीय संस्थासम्बन्धी नीतिमा पुनर्विचार गर्नुपर्ने माग अघि सारेका छन्।
संघर्ष समितिले आफ्ना माग सम्बोधन नभएसम्म आन्दोलन जारी रहने जनाएको छ ।
