नेपाल इन्भेस्टमेन्ट मेगा बैंकका प्रमुख सीईओ ज्योति पाण्डेलाई हाजिरी जमानीमा छाड्न आदेश दिएको छ । सर्वोच्च अदालतले आज बन्दीप्रत्यक्षीकरणको आदेश जारी गरेको हो । पाण्डेलाई गैरकानुनी थुनामा राखिएको भन्दै श्रीमति निरु दाहालले सर्वोच्चमा बन्दी प्रत्यक्षीकरणको निवेदन दिएकी थिइन् ।
न्यायाधीशहरूको सारंगा सुवेदी र शान्तिसिंह थापाको इजलासले कुनै एक वरिष्ठ अधिवक्ताको रोहवरमा उनलाई हाजिरी जमानीमा छाडी अनुसन्धान गर्नू भनी आदेश दिएको हो । सर्वोच्चले उनलाई मुलुक छाडेर विदेश जानुपर्ने अवस्थामा अदालतको आदेशमा मात्रै जान पाउने व्यवस्था गर्न भनेको छ ।
सीआईबीले स्मार्ट टेलिकमको सम्पत्ति लिलाम बिक्री गर्दा आपराधिक विश्वास घातलगायतका कसूर गरेको आरोपमा पाण्डेलाई सिन्धुलीबाट पक्राउ गरेको थियो ।
