राष्ट्रिय स्वतन्त्र पार्टीं(रास्वपा)ले संसदीय दलकाे विधान संशाेधन गर्न कार्यदल गठन गरेकाे छ ।
बुधबार सिंहदरबारमा बसेकाे रास्वपा संसदीय दलकाे बैठकले रास्वपा संसदीय दलकाे विधानलाई समयानुकूल बनाउन प्रमुख सचेतककाे संयाेजकत्वमा विधान संशाेधन कार्यदल गठन गरेकाे संसदीय दलका उपनेता गणेश पराजुलीले जानकारी दिनुभयाे ।
उक्त कार्यदललाई ७ दिनभित्र प्रतिवेदन तथा कार्यविधि तयार गर्ने जिम्मेवारी दिइएकाे छ । संशाेधित विधानमार्फत सांसदहरूलाई संसद्मा उपस्थित हुँदा मर्यादा पालना गराउने, आ–आफ्ना जिम्मेवारी स्पष्ट पार्ने, जनपक्षीय आवाजलाई बुलन्द बनाउने र कानुन निर्माण प्रक्रियामा थप सक्रिय बनाउने उद्देश्य राखिएकाे उहाले बताउनुभयाे ।
बैठकमा मन्त्रीहरूले आ–आफ्नाे मन्त्रालयबाट भए–गरेका प्रगति विवरण र गतिविधिहरू बैठकमा राखेका थिए भने सांसदहरूले आफ्ना निर्वाचन क्षेत्रका समस्या, जनताबाट प्राप्त गुनासाहरू र सरकारका कामका कमजाेरी औंल्याएका थिए । सरकारले काम गरिरहे पनि त्यसकाे सन्देश आम जनतासम्म प्रभावकारी रूपमा पुग्न नससकेकाे बिषयमा आत्मसमीक्षा गरिएकाे पराजुलीले बताउनुभयाे ।
साथै रास्वपा सांसदहरुले वैशाख महिनामा बजारमा करिब २२ लाख सिलिन्डर आपूर्ति भएकाेमा साउन महिनामा बढेर ४० लाख सिलिन्डर पुग्दा पनि बजारमा किन अभाव देखियाे भन्ने विषय उठाएका थिए ।
मन्त्रीहरूले ग्यास अभाव हुनुकाे प्राविधिक तथा व्यवस्थापकीय कारणहरू स्पष्ट पार्दै यस समस्यालाई समाधान गर्न भइरहेका प्रयासहरूबारे जानकारी गराएकाे समेत दलका उपनेता पराजुलीले जानकारी दिनुभयाे ।
