२९ भदौ, काठमाडौं । बैंकिङ कसुरमा नुवाकोटको किस्पाङ गाउँपालिका अध्यक्ष वीरबल तामाङ पक्राउ परेका छन् । भोटेकोशी बाढीले पुर्याएको क्षतिबारे प्रधानमन्त्री बालेन शाहसँग छलफल गरेर फर्कनेक्रममा उनलाई प्रहरीले सिंहदरबार गेटबाट पक्राउ गरेको हो ।
अध्यक्ष तामाङ सोमबार प्रधानमन्त्री बालेन शाहसँग छलफलमा सहभागी थिए । सो छलफलमा सहभागी भएर फर्कने क्रममा उनलाई गेटबाटै पक्राउ गरिएको जिल्ला प्रहरी परिसर काठमाडौंका एसएसपी दिलिप घिमिरेले जानकारी दिएका छन् ।
अध्यक्ष तामाङलाई बैंकिङ कसुरको मुद्दामा पक्राउ गरिएको हो । बैंकिङ कसुर मुद्दा अदालतमा दायर भइसकेको, अदालतमा जानुपर्ने थियो । नगएका कारण पक्राउ गरिएको हो । तामाङ काठमाडौं महानगरपालिका–१६, नयाँ बजारस्थित ओसिन ट्रान्सपोर्ट एन्ड एड्भेन्चर प्रालिका प्रोप्राइटर समेत हुन् ।
