१३ असोज, काठमाडौं । मंगलबार शेयर कारोबार मापक नेप्से परिसूचक ९.६२ अंकले घटेको छ । अघिल्लो कारोबार दिन १६.४७ अंकले घटेर बन्द भएको नेप्से मंगलबार साढे ९ अंकले घटेको हो । आज कारोबारमा आएका १३ वटै उपसमूहमध्ये निर्जीवन बिमा र अन्यबाहेक सबैको परिसूचक घटेपछि समग्र नेप्से करिब दोहोरो अंकले घट्न पुगेको हो ।
अघिल्लो दिनको तुलनामा सोमबार ०.३६ प्रतिशतले घटेको हो । यससँगै समग्र नेप्से २ हजार ६ सय ३.७१ अंकमा ओर्लेको छ । कारोबारमा आएकामध्ये ६९ कम्पनीको शेयर मूल्य बढ्दा १९९ वटाको घट्यो । बाँकी १० कम्पनीको शेयर मूल्य स्थिर छ ।
मंगलबार कुल ५१ हजार २ सय ७४ पटकको कारोबारमा १ करोड १० लाख ६९ हजार ७४ कित्ता शेयर किनबेच भए । ती किनबेचमा ४ अर्ब ६५ करोड ४८ लाख रुपैयाँ बराबरको कारोबार भएको छ । अघिल्लो दिनको तुलनामा कारोबार रकम घटेको हो ।
समूहगत रुपमा हेर्दा व्यापार सबैभन्दा धेरै १.८७ प्रतिशत घट्यो । बैंकिङ ०.१३, विकास बैंक ०.४५, फाइनान्स ०.३२, होटल तथा पर्यटन ०.६५, जलविद्युत् ०.५२, लगानी ०.२२, जीवन बीमा ०.३७, उत्पादन तथा प्रशोधन ०.५०, माइक्रोफाइनान्स ०.५५ प्रतिशत घटे । निर्जीवन बीमा ०.११ र अन्य समूह ०.१२ प्रतिशत बढे ।
आज सयपत्रि हाइड्रोपावरको मूल्य ६.७९, सर्वोत्तम पेन्ट्सको ६.२९, हाथवे इन्भेस्टमेन्ट कम्पनीको ३.४६, मेन्छियाम हाइड्रोपावरको ३.४० प्रतिशत मूल्य बढ्यो । मंगलबार हिमालयन डिस्टिलरीको सर्वाधिक कारोबार भएको छ ।
उक्त कम्पनीको एक हजार २९७ रूपैयाँमा २२ करोड ९९ लाख रूपैयाँको कारोबार भएको छ । यो मूल्य अघिल्लो दिनको तुलनामा १.९७ प्रतिशत घटेको हो । दोस्रो सूचीमा शिवम् सिमेन्ट रहेको छ । उक्त कम्पनीको ६९० रूपैयाँमा १७ करोड २५ लाख रूपैयाँ बराबरको शेयर कारोबार भएको छ ।
आज कारोबारमा आएका १३ वटा समूहगत परिसूचकमध्ये निर्जीवन बीमा र अन्य समूहको परिसूचक बढेको छ भने बाँकी ११ समूहको घटेको छ । यसमध्ये व्यापार समूहको परिसूचक सर्वाधिक १.८७ प्रतिशतले घटेको छ ।
