प्रधानमन्त्रीको सरकारी निवास बालुवाटार अगाडि धर्नामा बसेको आरोपमा प्रहरीले महिला अधिकारकमी बिनु यादव र निहारिका राजपुतविरुद्ध मुद्दा दर्ता गराएको छ ।
बिहीबार प्रधानमन्त्री निवासको गेटबाहिर धर्नामा बसेका उनीहरुलाई प्रहरीले नियन्त्रणमा लिएको थियो । दुवै जनाविरुद्ध सार्वजनिक शान्ति विरुद्धको कसुरमा अनुसन्धान अघि बढाइएको काठमाण्डु प्रहरी परिसरका एसपी पवन भट्टराईले जानकारी दिए ।
निषेधित क्षेत्रमा प्रदर्शन र हुलहुज्जत गरेकाले उक्त कारबाही गर्न लागिएको दाबी भट्टराईको छ । अदालतबाट पाँच दिन म्याद पथ गराएर अनुसन्धान अघि बढाइएको प्रहरीको भनाइ छ । बिनु र निहारिकालाई प्रहरी वृत्त मालिगाउँको हिरासतमा राखिएको छ ।
गृहमन्त्री सुधन गुरुङसँग भेट्न पाउनुपर्ने माग राखेर गत साता सिंहदरबार गेटमा धर्ना बस्न गएका उनीहरुमाथि प्रहरीले लछारपछार गरेको भिडियो सामाजिक सञ्जालमा भाइरल भएको थियो ।
बिनु आफूमाथि भएको बलात्कार घटनाका दोषीमाथि कारबाही नभएको भन्दै आन्दोलन गर्दै आएकी छन् ।
