गृहमन्त्री सुधन गुरुङले प्रधानमन्त्री वालेन्द्र शाहलाई भेटेका छन् । मधेशबाट फर्किएपछि त्यहाँको अवस्थाबारे जानकारी गराउन गृहमन्त्री गुरुङले प्रधानमन्त्री शाहलाई भेटेको उनको सचिवालयले जनाएको छ ।
गत आइतबारदेखि सुरु भएको तनावमा हालसम्म ४ जनाको ज्यान गएको छ । गृहमन्त्री आफैं मधेश पुगेर संवादको सुरुआत, व्यापक प्रहरी परिचालन तथा अन्य पक्षसँगको छलफलपछि अहिले मधेश क्रमशः शान्त हुँदै गएको छ ।
यसअघि प्रधानमन्त्रीले प्रधानसेनापति अशोक सिग्देलसँग पनि मधेशको अवस्थाबारे ब्रिफिङ लिएका थिए ।
