FLASH NEWS
कांग्रेस सभापति थापाद्धारा प्रदीप गिरि फेलोसिपको उदघाटन । सुडानमा ड्रोन आक्रमण, चार बालबालिकासहित १५ जनाको मृत्यु । भीमफेदी दुर्घटनाका पीडित परिवार र घाइतेसँग सभामुख अर्यालको भेट । बझाङको बुंगलमा अटो दुर्घटना : तीन जनाको मृत्यु । तीन देशका लागि नवनियुक्त राजदूतले लिए पद तथा गोपनीयताको शपथ । मुगु दुर्घटनाका दुई घाइतेलाई हेलिकोप्टरबाट उद्धार, थप उपचारका लागि काठमाडौं रेफर । रास्वपा सांसद अमरेश कुमार सिंहले सुरु गरे मेची महाकाली पदयात्रा । धनगढीबाट काठमाडौं आउँदै गरेको बस नवलपरासीमा दुर्घटना, ३३ जना घाइतेको सूची सहित । छठ पूजा स्थल तोडफोड गर्ने दुई जना पक्राउ । महिला गोल्डकप : गाईघाटलाई हराउँदै स्वर्णिम सेमिफाइनलमा । नवलपुरमा सवारीसाधन दुर्घटना हुँदा २५ जना घाइते । एनपीएल: लिग चरणका खेल सम्पन्न, आज विश्राम ।

३० कात्तिक, सर्लाही । सभामुख डोलप्रसाद (डीपी) अर्यालले भीमफेदी सवारी दुर्घटनामा ज्यान गुमाउनेका परिवार तथा आफन्त र घाइतेसँग भेट गरेका छन् ।

सोमबार सर्लाही पुगेर सभामुख अर्यालले दुर्घटनाबाट प्रभावित परिवार तथा घाइतेसँग भेट गरी उनीहरूको अवस्था र समस्याबारे जानकारी लिएका हुन् ।

भेटका क्रममा उनले दुर्घटनामा ज्यान गुमाउनेहरूप्रति श्रद्धाञ्जली अर्पण गर्दै शोकसन्तप्त परिवारजनमा समवेदना व्यक्त गरेका छन् । साथै, घाइतेहरूको शीघ्र स्वास्थ्यलाभको कामना गरेका छन् ।

दुर्घटनाबाट प्रभावित परिवार तथा घाइतेलाई राज्यका तर्फबाट उचित राहत, सहयोग र उपचारको व्यवस्था मिलाउन आवश्यक पहल गर्ने प्रतिबद्धता पनि उनले व्यक्त गरेका छन् ।

गत कात्तिक २६ गते काठमाडौंबाट सर्लाहीतर्फ जाँदै गरेको विद्युतीय माइक्रोबस मकवानपुरको भीमफेदीमा दुर्घटनामा परेको थियो । दुर्घटनामा १४ जनाको मृत्यु भएको थियो भने ६ जना घाइते भएका थिए ।

प्रतिक्रिया

सम्बन्धित खवर

ताजा समाचार

लोकप्रिय