ललितपुर महानगरपालिकाले जावलाखेलमा आज एक दिने सीप तथा रोजगार मेला आयोजना गरेको छ। यस मेलामा सीप सिक्न चाहने व्यक्ति र सीप सिकाउने संस्था वा व्यक्तिबीच प्रत्यक्ष सम्पर्क स्थापित हुने वातावरण बनेको छ।
सीपयुक्त जनशक्ति र रोजगारदातालाई एउटै थलोमा भेट गराउने उद्देश्यले महानगरले यो कार्यक्रम सञ्चालन गरेको हो।
रोजगार मेलामा विभिन्न क्षेत्रसँग सम्बन्धित स्टलहरू राखिएका छन्। मेलामा आर्टिफिसियल इन्टेलिजेन्स (एआई), क्राफ्टिङ, मोटरसाइकल मर्मत तथा कुकिङ लगायतका विविध सीपमूलक क्षेत्रका स्टलहरू समावेश छन्। यहाँ आउने युवा तथा इच्छुक नागरिकहरूले आफ्नो रुचि अनुसारका सीप र रोजगारीका अवसरबारे प्रत्यक्ष जानकारी लिइरहेका छन्।
