काठमाडौं । प्रतिनिधि सभा अन्तर्गतको आज तिन संसदीय समितिको बैठक बस्ने भएको छ ।
बिहीबार कानुन, न्याय तथा मानव अधिकार समिति, कृषि, सहकारी तथा प्राकृतिक स्रोत समिति र महिला तथा सामाजिक मामिला समितिको बैठक बस्ने भएको हो ।
कानुन, न्याय तथा मानव अधिकार समितिको बैठक बिहान ८ः३० बजे बस्ने भएको हो ।
बैठकमा बाल सुधार गृहमा रहेका बालबालिकाहरुको मानव अधिकारको अवस्थासम्बन्धी निरीक्षण तथा अवलोकन उपसमितिको प्रतिवेदन, २०६३ पेस र छलफल हुने कार्यसूची रहेको छ ।
यसैगरी, विभिन्न कारागार तथा हिरासतमा रहेका थुनुवा एवम् कैदीबन्दीहरूको मानव अधिकारको अवस्था सम्बन्धी निरीक्षण तथा अवलोकन उपसमितिको समयावधि थप र विविध विषयमा छलफल हुने छ ।
यस्तै, बिहान ८ बजे बस्ने कृषि, सहकारी तथा प्राकृतिक स्रोत समितिको बैकमा नेपाल कृषि अनुसन्धान परिषद् र राष्ट्रिय कृषि आधुनिकीकरण कार्यक्रम अन्तर्गतका अनुसन्धान केन्द्र एवं कार्यक्रमहरूको संसदीय अनुगमन टोलीद्वारा गरिएका स्थलगत अनुगमन तथा अन्तरक्रिया कार्यक्रमको समीक्षा बारे छलफल हुने छ ।
यसैगरी, महिला तथा सामाजिक मामिला समितिको बैठक विहान ९ बजे बस्ने भएको छ । बैठकमा समितिको कार्यविधि सम्बन्धमा तथा विविध विषयमा छलफल हुने छ ।
