१४ असोज, काठमाडौं । बुधबार शेयर कारोबार मापक नेप्से परिसूचक ४.८२ अंकले घटेको छ । अघिल्लो कारोबार दिन ९.६२ अंकले घटेर बन्द भएको नेप्से बुधबार पौने ५ अंकले घटेको हो । सोमबारदेखि नेप्से घटिरहेको छ ।
आज कारोबारमा आएका १३ वटै उपसमूहमध्ये जलविद्युत्, सामुहिक लगानी कोष र व्यापार बाहेक सबैको परिसूचक घटेपछि समग्र नेप्से घटेकोे हो । सोमबार ०.३६ प्रतिशतले घटेको हो । यससँगै समग्र नेप्से २ हजार ५ सय ९८.८९ अंकमा ओर्लेको छ ।
आज कारोबारमा आएकामध्ये १०९ कम्पनीको शेयर मूल्य बढ्दा १५७ वटाको घट्यो । बाँकी १३ कम्पनीको सेयर मूल्य स्थिर छ । बुधबार कुल ४७ हजार ९ सय पटकको कारोबारमा १ करोड २६ लाख ५५ हजार ३ सय ७४ कित्ता शेयर किनबेच भए । ती किनबेचमा ४ अर्ब ७६ करोड ५१ लाख रुपैयाँ बराबरको कारोबार भएको छ ।
मंगलबार कुल ५१ हजार २ सय ७४ पटकको कारोबारमा १ करोड १० लाख ६९ हजार ७४ कित्ता सेयर किनबेच हुँदा ४ अर्ब ६५ करोड ४८ लाख रुपैयाँ बराबरको कारोबार भएको थियो । बुधबार नेप्सेमा कारोबार भएका शेयरमध्ये सिन्धु विकास बैंकका शेयरधनीले सबैभन्दा धेरै कमाएका छन् ।
बैंकको प्रतिकित्ता शेयर मूल्य १४.३७ प्रतिशतले बढेको छ । बुधबार नेप्सेमा कारोबार भएका समूहगत परिसूचकमध्ये बैंकिङ ५.९७, विकास बैंक २७.०७, वित्त ७.३७, होटल ३८.२०, लगानी ०.१८, जीवन बीमा ४२.०३, उत्पादनमूलक २६.५८, लघुवित्त १.७२, निजर्जीवन बीमा १६.१२ र अन्य ४.०६ अंकले घटेका छन् ।
बुधबार घलेम्दी हाइड्रोको सर्वाधिक कारोबार भएको छ । उक्त कम्पनीको २७१ रूपैयाँ ५० पैसामा ३८ करोड ४८ लाख रूपैयाँको कारोबार भएको छ । यो मूल्य अघिल्लो दिनको तुलनामा ७.३१ प्रतिशत बढेको हो । सर्वाधिक शेयर खरिद–बिक्री हुने दोस्रो सूचीमा पिपुल्स हाइड्रोपावर रहेको छ ।
उक्त कम्पनीको ३३३ रूपैयाँ ८० पैसामा २२ करोड ८३ लाख रूपैयाँ बराबरको शेयर कारोबार भएको छ । आज कारोबारमा आएका १३ वटा समूहगत परिसूचकमध्ये तीन समूहको परिसूचक बढेको छ भने बाँकी १० समूहको घटेको छ । यसमध्ये व्यापार समूहको परिसूचक सर्वाधिक १.१८ प्रतिशतले बढेको छ ।
