२६ असोज, काठमाडौं । सोमबार शेयरबजार परिसूचक नेप्से सामान्य बढेको छ । आज नेप्से परिसूचक ४.०० अंकले बढेर २५९५.८१ विन्दुमा पुगेको छ । बजारमा कुल २७७ कम्पनीको शेयर कारोबार भएको छ । जसमध्ये १०५ कम्पनीको शेयर मूल्य बढेको छ ।
१६५ कम्पनीको मूल्य घटेको छ । ७ कम्पनीको मूल्य भने स्थिर रहेको छ । अघिल्लो कारोबार दिन १७.१५ अंक बढेको नेप्से आजको वृद्धिपछि २५९५ अंकमा कायम भएको छ । कारोबार रकम घटेको छ ।
अघिल्लो दिन ४ अर्ब ८३ करोडको कारोबार भएकोमा आज ४ अर्ब ४६ करोडको भयो । आज सबैभन्दा ठूलो समूह बैंकिङमा आकर्षण देखिएको छ । सो समूहगत सूचक सबैभन्दा धेरै १.०१ प्रतिशत बढ्यो । त्यस्तै व्यापार समूह १.०२ प्रतिशत बढ्यो । जीवन बीमा ०.०५, विकास बैंक ०.५३, फाइनान्स ०.२१ प्रतिशत बढे ।
होटल तथा पर्यटन ०.८७, जलविद्युत् ०.४६, लगानी ०.२८, उत्पादन तथा प्रशोधन ०.१९, माइक्रोफाइनान्स ०.०१, निर्जीवन बीमा ०.१२ तथा अन्य ०.४२ प्रतिशत घटे । धौलागिरि लघुवित्तको मूल्य १५ प्रतिशत बढ्यो । स्नो रिभर्सको १३.९२, बुंगल हाइड्रोपावरको ४.७५, सुपर माइ हाइड्रोपावरको ३.९८ प्रतिशत मूल्य बढ्यो ।
रिजलाइन इनर्जीको ६.२९, टक्सार पिखुवाखोला हाइड्रोपावरको ५.४२, होटल फरेस्ट इनको ४.०१, नेपाल वेयर हाउजिङको ३.३१ प्रतिशत मूल्य घट्यो ।
शुक्रबार कुमारी बैंकको सर्वाधिक कारोबार भएको छ । उक्त कम्पनीको २३६ रूपैयाँ २० पैसामा २५ करोड १९ लाख रूपैयाँको कारोबार भएको छ । यो मूल्य अघिल्लो दिनको तुलनामा २.२५ प्रतिशत बढेको हो ।
सर्वाधिक सेयर खरिद–बिक्री हुने दोस्रो सूचीमा घलेम्दी हाइड्रो रहेको छ । उक्त कम्पनीको २९१ रूपैयाँ ९० पैसामा १९ करोड ८० लाख रूपैयाँ बराबरको सेयर कारोबार भएको छ । आज कारोबारमा आएका १३ वटा समूहगत परिसूचकमध्ये चार समूहको परिसूचक बढेको छ भने बाँकी ८ समूहको घटेको छ । यसमध्ये व्यापार समूहको परिसूचक सर्वाधिक १.०२ प्रतिशतले बढेको छ ।
