साताको कारोबारको तेश्रो दिन बुधबार सेयर बजार मापक नेप्से परिसूचक बढेको छ । बुधबार नेप्से परिसूचक ३०.०८ अंकले बढेर २७५४.४८ बिन्दुमा पुगेको हो ।
नेप्सेमा कुल ३४६ कम्पनीको १ करोड ६ लाख ६१ हजार ४७६ कित्ता सेयर खरिद बिक्री हुँदा रू. ३ अर्ब ८२ करोडमाथिको सेयर कारोबार भएको छ । आज सबैभन्दा धेरै कारोबार कर्पोरेट डेभलपमेन्ट बैंक लिमिटेडको भएको छ । यस कम्पनीको १८ करोड ३५ लाख रुपैयाँ बराबरको कारोबार भएको छ ।
आजको बजारमा अप्पर लोहोरे खोला हाइड्रोपावर कम्पनी लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।
यता, कर्पोरेट डेभलपमेन्ट बैंक लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको सेयर १३ प्रतिशतभन्दा धेरैले घटेको छ ।
