साताको अन्तिम दिन शेयर बजार घटेको छ । आज सवा ४ अर्बको कारोबार भएको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ७.३७ अंकले घटेको हो । ०.२७ प्रतिशतले बजार घट्दा नेप्से परिसूचक २६४३.८३ अंकमा झरेको छ ।
समग्रमा बजार घटे पनि जीवन बीमा, लघुवित्त, म्युचुअल फण्ड र अन्य समूहमा हरियाली छाएको छ । बाँकी अरु समूह राताम्मे भएका छन् ।
आज ३४४ कम्पनीका ९७ लाख ५४ हजार ४ सय ३ कित्ता शेयर किनबेच हुँदा ४ अर्ब २७ करोड ५६ लाख ७५ हजार ४ सय २.८४ रुपियाँ बराबरको कारोबार भएको छ ।
माउन्ट एभरेष्ट पावर र सर्वोत्तम पेन्ट्सका लगानीकर्ताहरुले क्रमश: १५ र १४.९९ प्रतिशतले नाफा कमाएका छन् । त्यस्तै सुपर खुदी हाइड्रोका लगानीकर्ताहरुले सबैभन्दा बढी १२.८३ प्रतिशतले घाटा व्यहोरेका छन् ।
आज कृषि विकास बैंकको एग्रिकल्चर बण्डको उच्च कारोबार भएको छ । उक्त बण्ड ७० करोड ८७ लाख ९९ हजार रुपियाँ बराबरको कारोबार भएको नेप्सेले जनाएको छ ।
साताको पहिलो दिन सोमबार ९.९४ अंकले बजार घट्दा ३ अर्ब ६७ करोड ४४ लाख १९ हजार ७ सय ६६.३० रुपियाँ, मंगलबार ०.७९ अंकले बजार बढ्दा ४ अर्ब ११ करोड ९ लाख ७४ हजार ६ सय ७४.८६ रुपियाँ, बुधबार ०.५५ अंकले बजार बढ्दा ३ अर्ब ५३ करोड २१ लाख ५ हजार ५ सय १८.२७ रुपियाँ र हिजो बिहीबार ८.८१ अंकले बजार बढ्दा ३ अर्ब ७२ करोड ४७ लाख ७० हजार ७७.५० रुपियाँ बराबरको कारोबार भएको थियो ।
