दुई दिनमा तोलामा ८५ सय रुपैयाँ घटेको सुनको भाउ आज बढेको छ।
सुनको मूल्य आज तोलामा ८ सय रुपैयाँ बढेर २ लाख ९४ हजार ८ सय पुगेको नेपाल सुनचाँदी व्यवसायी महासंघले जनाएको छ।
गएको शुक्रबार तोलामा चार हजार रुपैयाँ घटेको सुनको मूल्य हिजो पनि तोलामा ४५ सय घटेको थियो।
हिजो सुनको भाउ तोलाका २ लाख ९४ हजार रुपैयाँ थियो।
सुनको मूल्य बढे पनि चाँदीको भाउ भने आज घटेको छ। तोलामा २० रुपैयाँ घटेर चाँदीको भाउ आज तोलाको ५ हजार ४० रुपैयाँ कायम भएको महासंघले जनाएको छ।
गएको माघ १५ गते एकैदिन तोलामा २० हजार पाँचसय रुपैयाँ बढेर सुनको भाउ तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो।
त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।
माघ १५ गते भने चाँदीको भाउ सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।
