२५ भदौ, काठमाडौं । उद्योग, वाणिज्य तथा आपूर्ति मन्त्री गौरीकुमारी यादवले पदबाट राजीनामा दिएकी छन् । उनले प्रधानमन्त्री बालेन शाहसमक्ष राजीनामा बुझाएको उनको निजी सचिवायलय स्रोतले जानकाकारी दिएको छ ।
मन्त्री यादवले बुधबार संसदीय समितिमा ग्यास उद्योगीहरूलाई पाता फर्काउनुपर्ने विवादास्पद अभिव्यक्ति दिएकी थिइन् । उनको अभिव्यक्तिप्रति उद्योगीहरूले आपत्ति जनाएका थिए । उद्योगीहरुले प्रधानमन्त्रीलाई पनि ध्यानाकर्षण गराएका थिए ।
उनले राजीनामा दिएको प्रधानमन्त्री बालेन शाहको प्रेस सहजकर्ता सुरेन्द्र बजगाईंले पुष्टि गरेका छन् । लामो समयदेखि देशमा खाना पकाउने ग्यासको अभाव छ । बुधबार संसदीय समितिमा पनि ग्यास आपूर्ति सहज बनाउन नसक्ने हो भने पदबाट राजीनामा दिन सांसदरुले सुझाव दिएका थिए ।
